Month: September 2026

யாழ்ப்பாணம் – கல்லூண்டாய் குப்பை மேட்டில் ஏற்பட்டுள்ள பிரச்சினைக்கு யாழ்ப்பாணம் மாநகர சபையின் நிர்வாக செயற்பாடுகளே காரணம் என யாழ்ப்பாணம் மாநகர முதல்வர் வி. மதிவதனி குற்றம் சாட்டியுள்ளார். கல்லூண்டாய் குப்பை மேட்டினை நேரில் பார்வையிட்ட பின்னர், யாழ்ப்பாணம் மாநகர சபையின் ஆணையாளரை நோக்கி கருத்து தெரிவிக்கும்போதே அவர் இவ்வாறு குறிப்பிட்டுள்ளார். இதன்போது கருத்து தெரிவித்த முதல்வர், குப்பை மேட்டு பிரச்சினையை கையாள்வதற்குத் தேவையான நிதி ஒதுக்கப்பட்டுள்ளதாகவும், தேவையான வாகனங்கள் மற்றும் ஆளணிகள் வழங்கப்பட்டுள்ளதாகவும் தெரிவித்துள்ளார். “தேவையான நிதியை நான் ஒதுக்கித் தருகிறேன். தேவையான வாகனங்கள் மற்றும் ஆளணிகளையும் வழங்கியுள்ளேன். அவற்றை பயன்படுத்தி நிர்வாகம் முறையாக செயற்பட வேண்டும்” என அவர் குறிப்பிட்டுள்ளார். நிர்வாகம் பொறுப்பற்ற வகையில் செயற்பட்டதன் காரணமாகவே கல்லூண்டாய் குப்பை மேட்டில் பாரிய பிரச்சினை ஏற்பட்டுள்ளதாகவும் முதல்வர் மதிவதனி குற்றம் சாட்டியுள்ளார். இந்நிலையில், கல்லூண்டாய்…

மேலும் படிக்க

தேசிய வீடமைப்பு அபிவிருத்தி அதிகார சபையின் வீட்டுவசதி உதவித் திட்டத்தின் கீழ், ‘வளமான வீடு அழகான வாழ்க்கை’ எனும் தொனிப் பொருளில் அம்பாறை நகவம்புர கிராமத்தில் தேர்ந்தெடுக்கப்பட்ட ஏழைக் குடும்பங்களின் சொந்த வீட்டுக் கனவை நனவாக்கும் வகையில் புதிய வீடு ஒன்றின் கட்டுமானப் பணிகளுக்கு அடிக்கல் நாட்டப்பட்டது. பத்து இலட்சம் ரூபா செலவில் அமைக்கப்படவுள்ள இப்புதிய வீட்டின் கட்டுமானப் பணிக்கான அடிக்கல் நாட்டும் நிகழ்வு சனிக்கிழமை (18) அம்பாறை பிரதேச செயலாளர் தலைமையில் நடைபெற்றது. இந்நிகழ்வில் பிரதம அதிதியாகக் கலந்துகொண்ட திகாமடுல்ல மாவட்ட பாராளுமன்ற உறுப்பினரும் அம்பாறை மாவட்ட ஒருங்கிணைப்புக் குழுத் தலைவருமான மஞ்சுள ரத்நாயக்க, புதிய வீட்டிற்கான அடிக்கல்லை நாட்டி வைத்தார்.

மேலும் படிக்க

வவுனியா, தோணிக்கல் பகுதியில் வீடொன்றிலிருந்து தாயும் மகனும் சடலமாக மீட்கப்பட்டுள்ளனர். இச்சம்பவத்தில் தோணிக்கல் பகுதியைச் சேர்ந்த அலஸ்கிறின் (வயது 60) என்ற தாயாரும், அவரது மகனான அயந்தன் (வயது 35) என்ற இளைஞருமே சடலமாக மீட்கப்பட்டுள்ளனர். இதில் கத்திக் குத்துக்கு இலக்கான நிலையில் தாயின் சடலம் மீட்கப்பட்டுள்ளதுடன், தூக்கில் தொங்கிய நிலையில் மகனின் சடலம் கண்டுபிடிக்கப்பட்டுள்ளது. இச்சம்பவம் தொடர்பாக மேலும் தெரியவருவதாவது, வவுனியா, தோணிக்கல் பகுதியிலுள்ள வீடொன்றில் தாயும் அவரது மகனும் வசித்து வந்துள்ளனர். இந்நிலையில், உறவினர்கள் இருவர் மாலையில் குறித்த வீட்டிற்குச் சென்றபோது, தாய் இரத்த காயங்களுடன் வீட்டின் பிரதான அறையில் வீழ்ந்து கிடந்துள்ளார். .இச்சம்பவம் தொடர்பாக வவுனியா பொலிஸ்நிலையத்துக்கு தகவல் வழங்கப்பட்டது. சம்பவ இடத்திற்குச் சென்ற குற்றத் தடுப்புப் பொலிஸார், தடவியல் காவல்துறையினரின் உதவியுடன் விசாரணைகளை முன்னெடுத்தனர். இதனைத் தொடர்ந்து, சம்பவம் இடம்பெற்ற இடத்திற்கு…

மேலும் படிக்க

சவுதி அரேபியாவில் கைது செய்யப்பட்டுள்ள இலங்கைப் பிரஜையான சிவராசா அனோஜனை உடனடியாக விடுதலை செய்ய நடவடிக்கை எடுக்குமாறு வலியுறுத்தி ஹற்றனில் கவனயீர்ப்புப் போராட்டமொன்று நேற்று முன்னெடுக்கப்பட்டது. ஹற்றன் மல்லியப்பூ சந்தியில், கொட்டும் மழையையும் பொருட்படுத்தாமல் நேற்று (20) காலை இந்த அமைதிவழிப் போராட்டம் இடம்பெற்றது. இலங்கை – இந்து இயக்க மன்றத்தின் ஏற்பாட்டில் நடைபெற்ற இப்போராட்டத்தில் கலந்துகொண்டவர்கள், சிவராசா அனோஜனின் விடுதலையை வலியுறுத்தும் பதாகைகளை ஏந்தியவாறு தமது கோரிக்கைகளை வெளிப்படுத்தினர்.

மேலும் படிக்க

அதிவேக நெடுஞ்சாலைகளில் பயணிக்கும் அனைத்து வாகனங்களிலும் பயணிக்கும் அனைத்துப் பயணிகளும் இன்று (19) முதல் ஆசனப்பட்டி அணிவது கட்டாயமாக்கப்பட்டுள்ளது. இது சுமார் ஒரு வருடத்திற்கு முன்னர் வெளியிடப்பட்ட விதிகளின்படியாகும். அதிவேக நெடுஞ்சாலைகளில் பயணிக்கும் அனைத்துப் பயணிகளும் ஆசனப்பட்டி அணிய வேண்டும் என்ற விதிகள் ஒரு வருடத்திற்கு முன்னர் வெளியிடப்பட்ட போதிலும், சில வாகனங்களில் பின் இருக்கைகளில் பயணிப்பவர்களுக்கான ஆசனப்பட்டிகள் இல்லாத காரணத்தினால் அது நடைமுறைப்படுத்தப்படவில்லை. இதற்கமைய, பின் இருக்கைகளிலும் ஆசனப்பட்டிகளை பொறுத்திக் கொள்வதற்காக வழங்கப்பட்ட ஒரு வருட கால அவகாசம் நிறைவடைந்ததைத் தொடர்ந்து, நேற்று (18) நள்ளிரவு முதல் அதிவேக நெடுஞ்சாலைகளில் பயணிக்கும் அனைத்துப் பயணிகளும் ஆசனப்பட்டி அணிவது கட்டாயமாக்கப்பட்டுள்ளது.

மேலும் படிக்க

சவூதி அரேபியாவில் மரண தண்டனை விதிக்கப்பட்டுள்ள சிவராசா அனோஜனின் விடுதலை தொடர்பில், இலங்கையில் உள்ள சவூதி அரேபியத் தூதுவரை நேரில் சந்தித்து, அந்த நாட்டுப் பட்டத்து இளவரசரும் பிரதமருமான முகம்மது பின் சல்மான் பின் அப்துல் அசீஸ் அல் சவுத்திடம் கோரிக்கை முன்வைக்கத் தமிழ் பேசும் மக்களின் அரசியல் பேரவை முயற்சிகளை மேற்கொண்டுள்ளது. இது குறித்துப் பேரவையின் அங்கத்துவக் கட்சிகளில் ஒன்றான தமிழ் முற்போக்குக் கூட்டணியின் தலைவரும் நாடாளுமன்ற உறுப்பினருமான மனோ கணேசன் ஊடகங்களிடம் தெரிவிக்கையில்:- “சவூதி அரேபியாவில் தண்டனை அறிவிக்கப்பட்டுள்ள சிவராசா அனோஜன் விடயத்தில், கருணை மற்றும் மனிதாபிமான அடிப்படையில் பரிசீலித்து அவருக்கு மன்னிப்பு வழங்குமாறு, சவூதி அரேபியாவின் பட்டத்து இளவரசருக்கு, இலங்கைக் குடியரசுக்கான சவூதி அரேபியத் தூதுவரை நேரடியாகச் சந்தித்து அவர் ஊடாக ஒரு கூட்டு வேண்டுகோளை முன்வைக்க வேண்டும் எனத் தமிழ் பேசும்…

மேலும் படிக்க

அனோஜன் சிவராசா விவகாரம் அவசர நடவடிக்கைக்கு ரிஷாட் பதியுதீன் உறுதி சவுதி அரேபியாவில் பணியாற்றும் இலங்கை பிரஜையான அனோஜன் சிவராசாவுக்கு தண்டனை விதிக்கப்பட்டுள்ளதாக வெளியாகியுள்ள தகவல்களைத் தொடர்ந்து, அகில இலங்கை மக்கள் காங்கிரஸின் தலைவரும் பாராளுமன்ற உறுப்பினருமான ரிஷாட் பதியுதீன் நேற்று இரவு (18) கல்முனை, நற்பிட்டிமுனையில் உள்ள அனோஜன் சிவராசாவின் இல்லத்திற்கு விஜயம் செய்தார். இதன்போது அனோஜனின் தாயார் மற்றும் சகோதரர்கள் உள்ளிட்ட குடும்ப உறுப்பினர்களைச் சந்தித்த ரிஷாட் பதியுதீன், அவர்களுக்கு ஆறுதல் தெரிவித்ததுடன், அனோஜனின் நிலைமை தொடர்பில் உரிய தரப்பினருடன் கலந்துரையாடுவதாகவும் தெரிவித்தார். இந்த சந்திப்பின்போது கருத்து தெரிவித்த ரிஷாட் பதியுதீன், அனோஜன் சிவராசாவுக்கு சவுதி அரேபியாவில் தண்டனை விதிக்கப்பட்டுள்ளதாக வெளியாகியுள்ள செய்தி இலங்கை முஸ்லிம் சமூகத்தினரிடையேயும் கவலையினை ஏற்படுத்தியுள்ளதாக தெரிவித்தார். மேலும், இலங்கை பாராளுமன்றத்தில் அங்கம் வகிக்கும் முஸ்லிம் பாராளுமன்ற உறுப்பினர்களையும் ஒன்றிணைத்து,…

மேலும் படிக்க

திருகோணமலை மாவட்டம், குச்சவெளி பிரதேச செயலகப் பிரிவுக்குட்பட்ட புல்மொட்டை நான்காம் கட்டைப் பகுதியில், தித்வா புயலினால் வீடுகள் பாதிக்கப்பட்ட ஜின்னா நகர் மற்றும் கமாஸ் நகர் கிராமங்களைச் சேர்ந்த இரு குடும்பங்களுக்கான புதிய வீடுகளின் நிர்மாணப் பணிகளுக்கான அடிக்கல் நாட்டும் நிகழ்வு இன்று (17) நடைபெற்றது. ஒவ்வொரு வீடும் தலா 50 இலட்சம் ரூபா செலவில் நிர்மாணிக்கப்படவுள்ளது. இதனுடன், சமுர்த்தி அபிவிருத்தி அதிகார சபையின் ஊடாக கமாஸ் நகரைச் சேர்ந்த சமுர்த்தி பயனாளி ஒருவருக்காக 10 இலட்சம் ரூபா செலவில் புதிய வீடொன்றும் நிர்மாணிக்கப்படவுள்ளது. இதற்கான அடிக்கல் நாட்டப்பட்டதுடன், வீடுகளின் நிர்மாணப் பணிகளுக்கான காசோலைகளும் உரிய பயனாளிகளிடம் வழங்கி வைக்கப்பட்டன. குச்சவெளி பிரதேச செயலாளர் யூ. எல். சியாஉல் தலைமையில் நடைபெற்ற இந்நிகழ்வில், வெளிவிவகார மற்றும் வெளிநாட்டு வேலைவாய்ப்பு பிரதி அமைச்சர் அருண் ஹேமச்சந்திரா பிரதம அதிதியாகக்…

மேலும் படிக்க

யோகபுரம் மகாவித்தியாலயத்தில் சிறப்புற இடம்பெற்ற மாணவர் பாராளுமன்ற அமர்வு; பிரதம விருந்தினராக ரவிகரன் எம்.பி பங்கேற்பு முல்லைத்தீவு – மல்லாவி, யோகபுரம் மகாவித்தியாலயத்தில் 16.09.2026நேற்று மாணவர் பாராளுமன்ற அமர்வு மிகச் சிறப்பாக இடம்பெற்றது. இந்நிகழ்வில் முதன்மை விருந்தினராக வன்னிமாவட்ட நாடாளுமன்ற உறுப்பினர் துரைராசா ரவிகரன் பங்கேற்றார். அந்தவகையில் பாடசாலையின் முதல்வர் க.சசிகரன் தலைமையில் இடம்பெற்ற குறித்த நிகழ்வானது மாணவர் பாராளுமன்ற அணியினர் மற்றும் விருந்தினர் வரவேற்புடன் ஆரம்பிக்கப்பட்டது. அதனைத் தொடர்ந்து பாடசாலை முதல்வரின் தலைமையுரை இடம்பெற்றதையடுத்து மாணவர் பாராளுமன்ற அமர்வு சம்பிரதாய பூர்வமாக ஆரம்பமானது. அதற்கமைய மாணவர் பாராளுமன்றத்தின் பிரதமரால் கொள்கைப் பிரகடன உரை நிகழ்த்தப்பட்டது. அதனையடுத்து மாணவர் பாராளுமன்துறைசார் அமைச்சர்களால் தமது அமைச்சுசார் நலத்திட்டங்கள் தொடர்பான முன்வைப்புக்களை முன்வைத்தனர். அந்தவகையில் மாணவர் பாராளுமன்றம் காரசாராமான விவதங்களுடன் ஜனநாயக மரபுகள் பின்பற்றப்பட்டு மிகச்சிறப்பாக இடம்பெற்றிருந்தமை குறிப்பிடத்தக்கது.

மேலும் படிக்க

மதவளசிங்கன்குளம் பகுதியில் வனஇலாகா ஆக்கிரமித்துள்ள மக்களின் காணிகளை விடுவிக்க வலியுறுத்திய ரவிகரன் எம்.பி; காணி விடுவிப்பு தொடர்பில் களஆய்வு முன்னெடுப்பு முல்லைத்தீவு – கரைதுறைப்பற்று பிரதேசசெயலாளர் பிரிவிற்குட்பட்ட மதவளசிங்கன்குளம் கிராம அலுவலர் பிரிவில், வனவளத்திணைக்களத்தால் ஆக்கிரமிக்கப்பட்டுள்ள மக்களின் காணிகளை விடுவிக்குமாறு வன்னிமாவட்ட நாடாளுமன்ற உறுப்பினர் துரைராசா ரவிகரன் வலியுறுத்தியிருந்த நிலையில், வனவளத் திணைக்களத்தினால் ஆக்கிரமிக்கப்பட்டுள்ள குறித்த காணிகளை விடுவிப்பது தொடர்பில் இணைந்த களஆய்வு ஒன்று முன்னெடுக்கப்பட்டுள்ளது. அந்தவகையில் கரைதுறைப்பற்று பிரதேசசெயலகம், வனவளத் திணைக்களம், நாடாளுமன்ற உறுப்பினர் துரைரராசா ரவிகரன், காணிகளுக்குரிய மக்கள் ஆகியோர் இணைந்து குறித்த பகுதிக்கு நேரில் சென்று இணைந்த களஆய்வு ஒன்றினை மேற்கொண்டுள்ளனர். இதுதொடர்பில் மேலும் தெரியவருகையில், குறிப்பாக கடந்த 1979ஆம் ஆண்டு காலப்பகுதியில் மதவளசிங்கன்குளம் கிராமஅலுவலர் பிரிவிற்குட்பட்ட பகுதியில் மக்களுக்கு உப உணவுப் பயிற்செய்கைக்கென வழங்கப்பட்ட காணிகளை தற்போது வனவளத் திணைக்களம் ஆக்கிரமித்துள்ளது.…

மேலும் படிக்க