அனோஜனின் விடுதலையை வலியுறுத்தி ஹற்றனில் கவனயீர்ப்பு போராட்டம்
சவுதி அரேபியாவில் கைது செய்யப்பட்டுள்ள இலங்கைப் பிரஜையான சிவராசா அனோஜனை உடனடியாக விடுதலை செய்ய நடவடிக்கை எடுக்குமாறு வலியுறுத்தி ஹற்றனில் கவனயீர்ப்புப் போராட்டமொன்று நேற்று முன்னெடுக்கப்பட்டது. ஹற்றன் மல்லியப்பூ சந்தியில், கொட்டும் மழையையும் பொருட்படுத்தாமல் நேற்று (20) காலை இந்த அமைதிவழிப் போராட்டம் இடம்பெற்றது. இலங்கை – இந்து இயக்க மன்றத்தின் ஏற்பாட்டில் நடைபெற்ற இப்போராட்டத்தில் கலந்துகொண்டவர்கள், சிவராசா அனோஜனின் விடுதலையை வலியுறுத்தும் பதாகைகளை ஏந்தியவாறு தமது கோரிக்கைகளை வெளிப்படுத்தினர்.
